Aqtóbe oblysynda 10 kólik jol apatyna ushyrady, dep habarlaıdy Dalanews.kz.
Aqtóbe-Astrahan tasjolynda, Tamdy aýylynyń mańynda 10 kólik jol apatyna ushyraǵan.
"Jol apaty saldarynan úsh adam túrli jaraqatpen medısınalyq mekemege jetkizildi. Qazir oqıǵa ornynda jedel tergeý toby jumys istep, bolǵan oqıǵanyń barlyq mán-jaıy anyqtalyp jatyr", - dep jazylǵan polısıa habarlamasynda.
Polısıa jol qozǵalysyna qatysýshylardy jol erejelerin qatań saqtaýǵa shaqyrdy.
