Djeki Channyń Qazaqstanǵa sapary áleýmettik jelide kútpegen bastamaǵa ulasty. Aqtaý turǵyndary álemge áigili akterdiń jariialanymdarynyń astyna jappai pikir qaldyryp, qaladaǵy kóp jyldan beri sheshilmei kele jatqan aýyzsý máselesine nazar aýdarýdy surai bastady, dep habarlaidy dalanews.kz.
Áleýmettik jeli qoldanýshylarynyń biri tipti videoúndeý jariialap, akterge tikelei ún qatqan.
"Qurmetti Djeki Chan, Aqtaýǵa qosh keldińiz! Bul - Qazaqstan. Bizde aýyzsý joq. Bilik birneshe ret jergilikti halyqty aýyzsýmen qamtamasyz etýdi toqtatty. Ótinemin, úiime kelińiz", - deidi turǵyn.
Al Instagram jelisindegi pikirlerde aqtaýlyqtar:
"Aqtaý qalasyn aýyzsýmen qamtamasyz etýge kómektesińizshi. Jyl saiyn bir máseleni bastan ótkeremiz – úilerimizde aýyzsý bolmaidy. Budan ábden sharshadyq", – dep jazyp jatyr.
Osylaisha, kópshilik álemdik juldyzdyń nazaryn óńirdegi ózekti máselege aýdarýǵa tyrysqan.
Al Mańǵystaý oblystyq Sý resýrstary jáne irrigatsiia basqarmasy basshysynyń orynbasary Anýar Tóleqov óńirde aýyzsý tapshylyǵy joq ekenin málimdedi. Onyń aitýynsha, másele sýdyń jetispeýinde emes, tozyǵy jetken sý qubyrlarynyń ótkizý qabiletinde. Sheneýniktiń sózinshe, sý jelilerin tolyq jańǵyrtýǵa shamamen úsh jyl qajet.
Ázirge Djeki Chan Aqtaý turǵyndarynyń ótinishterine eshqandai pikir bildirgen joq.
