Aqtaýlyq bloger turmystyq zorlyqqa ushyraǵan qyzdyń jaǵdaiyn jariia etti, dep habarlaidy Dalanews.kz.
Bul oqiǵa týraly áleýmettik jelide Aqtaý qalasynyń blogeri Azamat Sársenbaev jazdy. Blogerdiń sózinshe, burynǵy kúieýi áielin eki saǵattan astam ýaqyt boiy uryp-soqqan, 17-qabattan laqtyramyn dep qorqytqan.
Blogerdiń aitýynsha, 26 mamyr kúni sot azamat “I”-ge qatysty Ákimshilik quqyq buzýshylyq týraly kodekstiń 461-baby (qorǵaý nusqamasyn buzý) boiynsha on táýlik qamaý jáne úsh ai boiy baqylaý sharasyn qoldaný týraly sheshim shyǵarǵan.
Qazir oǵan qatysty Qylmystyq kodekstiń 109-baby (densaýlyqqa qasaqana jeńil ziian keltirý) boiynsha qylmystyq is qozǵalǵan. Bul bap boiynsha úsh jylǵa deiin bas bostandyǵynan aiyrý, eki jylǵa deiin bostandyǵyn shekteý nemese eki jylǵa deiin májbúrli eńbekke tartý jazasy kózdelgen.
Sot ókilderiniń málimdeýinshe, er adammen aldaǵy ýaqytta profilaktikalyq áńgime júrgiziledi.
Eske sala keteiik, buǵan deiin Qyzylorda oblysynda muǵalim áielin baltamen uryp, saýsaqtaryn shapty degen kúdikke ilingen bolatyn. Bul jantúrshigerlik oqiǵa Shieli aýdanyna qarasty Bala bi aýylynda oryn alǵan. Jubaiyna shabýyl jasaǵan er adamnyń áreketine aýyl turǵyndary da, áriptesteri de sene almai otyr. Kúdikti 21 jyl boiy mektepte biologiia páninen sabaq bergen. Mektep ujymy buǵan deiin onyń oǵash qylyqtaryn baiqamaǵandaryn aitady.
