Aqtaýdan merzimdi áskeri qyzmetke shaqyrylǵan 18 jastaǵy Erkebulan Dosymbet Aqtóbedegi aýrýhanaǵa tústi. Onyń týystary sarbazdyń áskeri bólimde soqqyǵa jyǵylǵanyn málimdedi, dep habarlaidy dalanews.kz.
Jigittiń anasynyń aitýynsha, birneshe serjant ony uryp, sonyń ishinde shap tusynan soqqy jasaǵan. Budan keiin sarbazǵa aýyr dene jattyǵýlaryn oryndaýǵa májbúrlegen.
Týystarynyń sózinshe, keiin Erkebulannyń zár shyǵarý júiesinde kúrdeli másele paida bolǵan. Ol shamamen eki táýlik boiy dáretke durys bara almai qinalǵan.
Qazirgi ýaqytta sarbaz Aqtóbedegi aýrýhanada em qabyldap jatyr. Al áskeri qyzmetshiniń jaraqat alý deregine bailanysty sotqa deiingi tergep-tekserý bastaldy.
Oqiǵanyń naqty mán-jaiy tergeý barysynda anyqtalady.
