Kólik ministri Marat Qarabaev Aqtaýdaǵy ushaq apatyna qatysty tergeý barysy týraly aitty, dep habarlaidy Dalanews.kz.
Sheneýniktiń sózinshe, qazir tergeýdiń ekinshi kezeńi júrip jatyr.
"Qazaqstan - tergeý júrgizip jatqan el. Kez kelgen tergeý birneshe kezeńge bólinedi. Birinshi kezeń - tiisti materialdar jinaý. Ol aiaqtaldy. Ekinshi kezeńde jinalǵan materialdar saraptamadan ótkizilip jatyr. Qazir biz zertteý satysyndamyz. Zertteý aiasynda sheteldik mamandarmen, sonyń ishinde IKAO (Halyqaralyq azamattyq aviatsiia uiymy – esk.) mamandarymen Baký, Groznyida boldyq", - dedi Qarabaev Senatta ótken brifingte.
Aqtaýdaǵy ushaq apaty týraly
Aita keteiik, 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany - 38. Qaiǵyly oqiǵadan 29 adam aman qaldy.
