كولىك ءمينيسترى مارات قارابايەۆ اقتاۋداعى ۇشاق اپاتىنا قاتىستى تەرگەۋ بارىسى تۋرالى ايتتى، دەپ حابارلايدى Dalanews.kz.

شەنەۋنىكتىڭ سوزىنشە، ءقازىر تەرگەۋدىڭ ەكىنشى كەزەڭى ءجۇرىپ جاتىر.

"قازاقستان - تەرگەۋ جۇرگىزىپ جاتقان ەل. كەز كەلگەن تەرگەۋ بىرنەشە كەزەڭگە بولىنەدى. ءبىرىنشى كەزەڭ - ءتيىستى ماتەريالدار جيناۋ. ول اياقتالدى. ەكىنشى كەزەڭدە جينالعان ماتەريالدار ساراپتامادان وتكىزىلىپ جاتىر. ءقازىر ءبىز زەرتتەۋ ساتىسىندامىز. زەرتتەۋ اياسىندا شەتەلدىك ماماندارمەن، سونىڭ ىشىندە يكاو (حالىقارالىق ازاماتتىق اۆياسيا ۇيىمى – ەسك.) ماماندارىمەن باكۋ، گروزنىيدا بولدىق"، - دەدى قارابايەۆ سەناتتا وتكەن بريفينگتە.

اقتاۋداعى ۇشاق اپاتى تۋرالى

ايتا كەتەيىك، 25 جەلتوقساندا جەرگىلىكتى ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines اۋەكومپانياسىنا تيەسىلى ەمبراەر 190 ۇشاعى.

اقپارات بويىنشا ۇشاق بورتىندا 67 ادام، ونىڭ ىشىندە 5 ەكيپاج مۇشەسى بولعان.

اپاتتان 6 قازاقستاندىق كوز جۇمدى. جالپى قازا تاپقاندار سانى - 38. قايعىلى وقيعادان 29 ادام امان قالدى.