Mańǵystaý oblysynda 26 kolledj bar. Onda 21 myńnan astam stýdent bilim alady. Onyń 14 188-i (67,5%) memlekettik tapsyrys esebinen oqidy.
Qazirgi tańda kolledjderde jumysshy mamandyqtarynyń bedelin arttyrýǵa baǵyttalǵan baǵdarlamalar oryndalyp jatyr. Máselen, «Jas maman» jobasy aiasynda 35 arnaiy pán oqytýshysy men 58 óndiristik oqytý sheberi arnaiy kýrstan ótti. Iaǵni, olar oqý sheberhanasynda zamanaýi qurylǵymen jumys isteý boiynsha tájiribe jinaqtady. Oblys kolledjderinde 17 quzyrettilik ortalyq, 22 sheberhana, 11 zerthana ashyldy.
Sondai-aq 2022 jyly demonstratsiialyq emtihan ótti. Osylaisha, oqý úderisine WorldSkills baǵalaý júiesi 40 paiyzǵa engizildi. Biyl bul kórsetkishti 80 paiyzǵa jetkizý josparlanyp otyr.
Sonymen qatar kolledj týrizm salasyndaǵy mamandardy da daiyndaidy. Jyl saiyn jastar Rixos Aktau-da tájiribeden ótedi.
– Mańǵystaý týrizm kolledji 2025 jyly halyqaralyq salalyq akkreditatsiiadan ótip, álemde suranysqa ie mamandar daiarlaýdy josparlap otyr. Orta arnaýly bilim berý salasyndaǵy taǵy bir jańalyq - mektep oqýshylaryn úsh mamandyq boiynsha oqytý. 2023-2024 jyldary 10-11-synyptarda oqityn 60 oqýshy Aqtaý tehnologiialyq qyzmet kórsetý kolledji men Jańaózen qyzmet kórsetý jáne jańa tehnologiialar kolledjiniń bazasynda avtoslesar, gazben dánekerleýshi, tiginshi mamandyqtaryn meńgeredi. Nátijesinde, olar orta bilim týraly attestatpen birge kolledj attestatyna ie bolady. Qazirgi tańda qajetti normativtik-quqyqtyq qujattar rásimdelip, kásiptik baǵdar berý jumystary bastalyp ketti, – deidi Mańǵystaý oblystyq bilim basqarmasy basshysynyń orynbasary Gúlbaný Qyzylǵulova.
– Bilim salasyndaǵy jumysty teń dárejede uiymdastyrý kerek. Baiqaýlarda júldeli oryn almaǵan oqýshylar men ustazdar shet qalmasyn. Barlyq stýdent sapaly bilim alýy kerek. Sondai-aq oqý oryndaryn materialdyq-tehnikalyq bazamen qamtamasyz etýge qomaqty qarjy bólinip otyr. Bul óz kezeginde oqýshylardyń jaqsy bilim men tárbie alýyna septigin tigizedi. Biraq, ókinishke qarai, alynǵan tehnikanyń paidalanylmai jatqanyn kórip júrmiz. Sondyqtan materialdyq bazany tiimdi paidalanýdan qoryqpańyz. Bul stýdentterdiń bilim alýyna, tájiribe jinaqtaýyna jáne osy bilimdi este saqtaýyna múmkindik beredi. Osyny eskerýińizdi suraimyn», – dedi oblys ákimi Nurlan Noǵaev.
