Aqtaý halyqaralyq áýejaiynda UQK qyzmetkerleri esirtkini denesine jasyryp tasymaldaǵan shetel azamatyn ustady, dep habarlaidy dalanews.kz.
Tergeý málimetinshe, ol "jutýshy" retinde áreket etken.
Tekserý barysynda onyń asqazanynan jalpy salmaǵy shamamen 1 keli bolatyn apiyn salynǵan 114 germetikalyq kapsýla anyqtalǵan.
Vedomstvo málimetinshe, sáýir aiynan beri kúshtik qurylymdar esirtki jetkizýmen ainalysqan toǵyz halyqaralyq jáne eki óńirlik arnanyń jolyn kesken. Sonymen qatar bir fitozerthananyń qyzmeti toqtatylǵan.
Esirtkini kontrabandalyq jolmen tasymaldaý jáne taratý isine qatysy bar degen kúdikpen 23 qazaqstandyq pen úsh shetel azamaty ustaldy.
