Aqtaý qalalyq sotynyń úkimimen azamat D. alaiaqtyq (Qylmystyq kodeksiniń 190-baby) qylmysyn jasaǵany úshin kináli dep tanylyp, 3 jyl 9 aiǵa bas bostandyǵynan aiyryldy, dep habarlaidy dalanews.kz.
Sotta sottalǵan adam Aqtaý qalasyndaǵy joǵary oqý oryndary stýdentteriniń senimine kirip, aqshalai syiaqy úshin olardyń oqý úlgerimin jaqsartyp, emtihandardan joǵary baǵa alýǵa kómektesýge ýáde bergeni anyqtaldy.
Osy syltaýmen ol stýdentterdiń 90 myńnan 1 million teńgege deiingi aqshalai qarajatyn iemdengen. Alaida ýáde etken mindettemelerin oryndamai, alynǵan qarajatty jeke basynyń qajetine jumsaǵan.
Jańa oqý jyly qarsańynda Aqtaý qalasynyń prokýratýrasy azamattardy oqý protsesine zańsyz aralasýǵa bailanysty aqyly «kómek» usynatyn, atap aitqanda, baǵa qoiyp berýge, emtihannan ótkizýdi nemese ózge de máselelerdi sheship berýdi ýáde etetin adamdarǵa senbeýge shaqyrady.
Esińizde bolsyn: mundai usynystar zańsyz bolyp tabylady jáne alaiaqtyq belgilerin qamtýy múmkin.
