Aqtaý turǵyndary qalada túngi ýaqytta kóshe shamdary janbaitynyna narazylyq bildirdi, dep habarlaidy Dalanews.kz.
Áleýmettik jelide videolar jariialandy.
"15-shaǵynaýdanda jaryq joq. Dala tuman", "Mynaý - 18-shaǵynaýdan, 18-mektep. Tas qarańǵy. Aldyńǵy jyly aryz jazǵanym bar edi. Eshqandai shara qoldanylǵan joq, jasalynady dep edi. Jaryq baǵanalary tur, biraq jaryq joq. 2023 jyldan beri osynda turamyz. Osylai tas qarańǵy", - dedi turǵyndar.
Taǵy bir turǵyn saiabaqtarda da jaryq joq ekenin aitqan.
"Qala shetindegi Prezident saiabaǵy. Jaryq joq. Jaryq baǵanalary tur", - deidi videoda áiel adam.
Ákimdik ókilderi bul jaǵdaiǵa ázirge pikir bildirgen joq.
