Aqtaýda erekshe balanyń anasy ulyna kúsh kórsetilgenin aıtyp, úndeý jasady. Áleýmettik jelide oqıǵanyń vıdeosy tarady, dep habarlaıdy Dalanews.kz.

"Aqtaýda erekshe bala tárbıelep otyrǵan áıel ulynyń denesinen birneshe ret kógergen izdi baıqap, túzetý ortalyǵyndaǵy beınejazbalardy qarap shyqqan. Sol kezde ol jattyqtyrýshy balany uryp-soǵyp, qorlaǵan sátteri túsirilgen kadrlardy kórgen", - dep jazylǵan jelide taraǵan vıdeo jazbasynda.

Balalardyń quqyqtaryn qorǵaý komıteti málimetinshe, jeke túzetý ortalyqtarynyń birinde balalardyń quqyǵy buzylýyna qatysty eki derek anyqtalǵan, bul derekter boıynsha qylmystyq is qozǵalyp, beınematerıaldar tárkilenip, sot-medısınalyq saraptamalar taǵaıyndalǵan.

"Bilim basqarmasy men óńirlik bala quqyqtary jónindegi ýákil ortalyqqa baryp qaıtty. Qazir bul mekeme jabyq", - dep jazylǵan habarlamada.

Másele komıtet baqylaýynda, al balalar úılerinde, jaǵdaıy turaqty.