Aqtaýda bilim basqarmasynyń basshysy men úsh direktor sottaldy, - dep habarlaidy Dalanews.kz.
Sot jeke kásipkerdi, bilim basqarmasynyń burynǵy basshysyn jáne úsh mektep direktoryn sybailas jemqorlyq jasaǵany úshin kináli dep tanydy. Aqtaý qalalyq sotynda jeke kásipkerge, bilim basqarmasynyń burynǵy basshysyna jáne qaladaǵy úsh mektep direktoryna qatysty qylmystyq is qaraldy.
Tergeý organymen jeke kásipker Sh. laýazymdy tulǵalarǵa birneshe ret para bergen (QK-niń 367 babynyń 3 bóliginiń 3 tarmaǵymen) burynǵy bilim basqarmasynyń basshysy B. jáne úsh mektep direktory para alǵany úshin (QK-niń 366 babynyń 2 bóligimen) aiyptalǵan.
Sot anyqtaǵany:
Jeke kásipker oqýshylardy tamaqpen qamtamasyz etý úshin úsh mekteppen kelisim-shartqa otyrǵan. Kórsetilgen qyzmetterge kelisim-sharttarǵa kedergisiz qol qoiý, qarajatty tez aýdarý jáne jalpy qamqorlyq úshin ol birneshe ret laýazymdy adamdarǵa - sol kezdegi bilim basqarmasynyń basshysy (B.-ǵa 4 mln. teńge) jáne úsh mektep direktory (S.-ǵa 800 myń teńge, N.-ǵa 2 mln teńge jáne E.-ge - 1 mln teńge) jeke kásipkerden aqshalai qarajattaryn para retinde alǵan.
Sottalýshylardyń kinási kýágerlerdeiń jaýaptarymen, saraptama qorytyndylarymen, qarap-tekserý hattamasymen jáne basqa da is-qujattarymen dáleldendi.
Sottyń sheshimi:
Jaýapkershilik pen jazany jeńildetetin mán-jailarǵa shyn júrekten ókiný jáne jeke kásipkerdiń kishkentai balalarynyń bolýy jáne mektep direktorlarynyń biriniń kishkentai balalarynyń bolýy dep tanyldy. Aýyrlatatyn mán-jailar anyqtalmaǵan.
Qylmystyq kodekstiń 366 babynyń 2 bóliginde paranyń 50-den 60-qa deiin eselengen mólsherinde aiyppul salý nemese 3 jyldan 7 jylǵa deiingi merzimge bas bostandyǵynan aiyrý jazasy kózdelgen. Qylmystyq kodekstiń 367 babynyń 3 bóliginiń 3 tarmaǵynda paranyń 40-tan 50-ge deiin eselengen mólsherinde aiyppul salý nemese 7 jyldan 12 jylǵa deiin bas bostandyǵynan aiyrý jaza kózdelgen.
B. men N.-ge QK-niń 366 babynyń 2 bóligimen – 5 jylǵa bas bostandyǵynan aiyrý jazasy taǵaiyndaldy.
S.-ǵa Qylmystyq kodekstiń 366 babynyń 2 bóligimen - 4,5 jylǵa bas bostandyǵynan aiyrý jazasy taǵaiyndaldy. E. Qylmystyq kodekstiń 366 babynyń 2 bóligimen kináli dep tanylyp, QK-niń 55 babynyń 2 tarmaǵyna sáikes, - 40 million teńge (paranyń 40 eselengen) mólsherinde aiyppul salý. Jeke kásipker Sh. Qylmystyq kodekstiń 367 babynyń 3 bóliginiń 3 tarmaǵymen - 7 jylǵa bas bostandyǵynan aiyrý jazasy taǵaiyndaldy. Sottalǵandar memlekettik qyzmette laýazymdardy atqarý quqyǵynan ómir boiyna aiyrylady. Úkim zańdy kúshine engen joq.
