Aqtaý mańynda apatqa ushyraǵan ázerbaijandyq AZAL ushaǵynyń qara jáshikteri Qazaqstanǵa qaitaryldy, dep habarlaidy Dalanews.kz.
" Sol kúni (ushaq apaty bolǵan kúni – red.) ushaqtyń apatqa ushyraýyn tergeý jónindegi memlekettik komissiia quryldy, onyń quzyretine borttyq ózdiginen jazǵyshtardyń (qara jáshiktiń) shifryn ashý kiredi. Chikago komissiiasynyń Halyqaralyq Azamattyq aviatsiia týraly” ózge de halyqaralyq standarttarynda qara jáshikter Braziliia tarapynan alynyp, qorytyndy berý úshin komissiiaǵa berildi, - dep habarlady Reseidiń Bas prokýratýrasy.
Vedomstvonyń málimetinshe, qazirgi ýaqytta is boiynsha tolyq jáne jan-jaqtylyǵyn qamtamasyz etý maqsatynda qajetti jedel tergeý is-sharalary júrgizilip jatyr. Quqyqtyq yntymaqtastyq aiasynda Ázerbaijan men Resei Federatsiiasyna halyqaralyq tergeý tapsyrmalary joldandy.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy. Túste búkil el boiynsha memlekettik týlar túsirilip, kólikter toqtady. Ázerbaijandyqtar qaza tapqandardy bir minýt únsizdikpen eske aldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
