Is-sharany Mańǵystaý oblystyq ákimdigi, sondai-aq QR Mádeniet jáne sport ministrligi men QR Bilim Ministrliginiń qoldaýymen Halyqaralyq jáne Qazaqstandyq Shahmat federatsiialary uiymdastyrsa, bas seriktes jáne demeýshi «Freedom Holding Corp» kompaniiasy, dep habarlaidy Mańǵystaý oblysy ákiminiń baspasóz qyzmeti.
World Schools Team Championship ashylýynyń saltanatty rásimi 4 tamyzda Qazaqstan halyqtary Assambleiasynyń ǵimaratynda boldy. Týrnir 8 tamyzǵa deiin «Halyk Arena»kesheninde ótedi. Týrnirge chempionattyń resmi saitynda usynylǵan kún saiynǵy kestege sáikes qatysýǵa bolady: https://wstcc2023.fide.com/.
Ashylý saltanaty aiasynda qatysýshylardy halyqaralyq shahmat federatsiiasynyń (fide) prezidenti Arkadii Dvorkovich quttyqtady.
- Sizder óz elderińizdiń jeńimpazdary men naǵyz juldyzdarysyz jáne kóptegen jetistikterge qol jetkizdińizder, álemniń túkpir-túkpirinen Kaspii teńiziniń jaǵasyna halyqaralyq jarysta kezdesýlerińiz sonyń dáleli. Biz osy chempionatty uiymdastyrǵany úshin barsha Qazaqstanǵa, QR shahmat federatsiiasyna, Mańǵystaý oblysynyń ákimdigine jáne «Freedom Finanse» kompaniiasyna alǵysymyzdy bildiremiz. Bul jarysta sizder ártúrli kontinentterden kelgen dostar taýyp qana qoimai, úilerińizge baqytty sátterge toly jyly esteliktermen qaitatynyńyzǵa senimdimiz. Aldaǵy ýaqytta da sizder óz elderińizdiń namysy úshin shahmat oinap, ártúrli jarystarda óner kórsetetinińizge senimdimin. Birneshe ai buryn osynda álemniń 50-nen sportshy jinaimyz degende, bul missiiany júzege asyrý múmkin emes dep oiladyq, alaida birigip múmkin emesti júzege asyrdyq. Men sizderge árdaiym múmkin emes biik bolyp kórinetin armannyń barlyǵy qol jetkizýge tilektespin. Sáýir aiynda biz Astanada shahmattan álem chempionatyn ótkizdik. Bul oqiǵa Qazaqstandy shahmat astanalarynyń birine ainaldyrdy. Bizge sengen jáne birge jumys istegenderdiń barlyǵyna alǵys aitamyn. Qazaqstanda qazir shahmattyń «býmy» dep esepteimin. FIDE-niń maqsaty da osy, álemniń ár elinde shahmatqa degen qyzyǵýshylyqty arttyrý, ony júzege asyrý ońai emes, alaida múmkin emes eshteńe joq ekenine senemin, - dedi Arkadii Dvorkovich.
Chempionat eki jas kategoriiasynda ótedi. 12 jasqa deiingi sanat jáne 18 jasqa deiingi sanat. Jarysqa 53 elden 400-ge jýyq oqýshy qatysady. Qatysýshylardyń ishindegi eń alys elderden kelgen oqýshylar Paragvai, Perý, Madagaskardan elderinen. Bul jarys álemniń tórt buryshyndaǵy kontinetterden jinalǵan qatysýshylarǵa erekshe dostyq jaǵdaiynda básekelestik pen mádeni tájiribe almasý úshin úlken alań bolmaq.
Qazaqstan shahmat federatsiiasynyń prezidenti Timýr Turlovtyń pikirinshe, elimizdiń shahmat sportynan áleýeti zor.
- Búgin biz Kaspii teńiziniń jaǵalaýyndamyz. Bul jarys iri qazaqstandyq shahmat týrnirleriniń ortalyqtary – Astana men Almatyda emes, Aqtaýda ótip otyr. Chempionatty ótkizý barysy, bizdiń ziiatkerlik ult qalyptastyrý, adami áleýetti nyǵaitý jáne bilimdi ilgeriletý jónindegi elimizdiń strategiialyq mindetterine tolyq sáikes keledi. Osy maqsatty júzege asyrýda shahmat mektepteriniń róli orasan. Búgin bastalǵan týrnir joǵary deńgeide, jaqsy kóńil-kúide ótetinine kúmánim joq. Oqýshylar arasyndaǵy básekelestik rýhy, shahmat taqtasyndaǵy keremet oiyndy qamtamasyz etetinine senimdimin, - dedi Timýr Týrlov.
Qazaqstannyń alty qalasynan kelgen on mekteptiń oqýshylary, chempionatta elimizdiń atynan óner kórsetpek. Sebebi balalar joǵary deńgeili oiyn kórsetý úshin jarysqa uzaq daiyndalǵan.
Qazaqstan chempionatqa qatysýshylar tizimi:
* It mektep-litseii, Aqtaý;
*N. Marabaev atyndaǵy №7 mektep-litseii, Aqtaý;
* M. Gandi atyndaǵy № 92 mamandandyrylǵan litseii, Almaty;
* Respýblikalyq fizika-matematika mektebi, Almaty;
* Fizika-matematika baǵytyndaǵy Nazarbaev Ziiatkerlik mektebi, Almaty;
* №72 mektep-litseii, Astana;
* Respýblikalyq fizika-matematika mektebi, Astana;
* «Bilim-Innovatsiia» oblystyq litsei-internaty, Atyraý;
* Daryndy balalarǵa arnalǵan № 8 mektep-litsei, Pavlodar;
* O. Joldasbekov atyndaǵy №9 IT-litseii, Shymkent.
Sharada Mańǵystaý oblysynyń ákimi Nurlan Noǵaev týrnir joǵary deńgeide ótetinine jáne chempionatqa qatysýshylar óz talantyn tolyq kórsetip, úzdik nátijelerin kórsetetinine senimin bildirdi.
- Mańǵystaýda osyndai aýqymdy álemdik deńgeidegi sharany ótkizý jas urpaq úshin shahmatpen ainalysýǵa jáne úlken jetistikterge jetýge tamasha shabyt bereri sózsiz. Buǵan deiin el prezidenti Qasym-Jomart Toqaev atap ótkendei, Qazaqstandaǵy shahmat jyldam damýda. Búgingi ótip otyrǵan is-shara da prezident tapsyrmasynyń qaltqysyz oryndalyp jatqanynyń dáleli. Týrnirdi búkil álem boiynsha myńdaǵan bala tamashalaidy. Búgin álemniń tórt qurlyǵynan jinalǵan oqýshylar, óz mektepteri men elderiniń namysyn abyroimen qorǵaý úshin Kaspii jaǵalaýyna jinaldy. Bolashaqta bul talanttar úlken belesterdi baǵyndyryp, chempion bolatynyna senimdimin. Sondai - aq jattyqtyrýshylar men ata-analardyń eńbegin atap ótken jón, óitkeni árbir jeńistiń artynda olardyń eńbegi tur, - dedi Nurlan Noǵaev.
Resmi bólimnen keiin, qatysýshylar men qonaqtar úshin, chempionatty odan ári qyzyqty ete túsetin bai ekskýrsiialyq jáne oiyn-saýyq baǵdarlamasy uiymdastyryldy.
Jarysta simvoldyq birinshi qadamdy 18 jasqa deiingi sanatta Mańǵystaý oblysynyń ákimi Nurlan Noǵaev, al 12 jasqa deiingi sanatta Qazaqstan shahmat federatsiiasynyń prezidenti Timýr Turlov oryndady. Resmi bólimnen basqa, qatysýshylar men qonaqtar úshin bul chempionatty odan ári qyzyq ári este qalalarlyq etý úshin, bai ekskýrsiialyq-oiyn-saýyq baǵdarlamasy uiymdastyrylǵan.
Aqtaý tarihyndaǵy shahmattan alǵashqy álem chempionaty barlyq shahmat áýesqoilary úshin erekshe mereke jáne álemniń túkpir-túkpirinen kelgen jas oqýshylarǵa óz daǵdylaryn kórsetýge, ári dostastyq atmosferasynda lázzat alýǵa jáne jańa dostar tabýǵa múmkindik bermek.
