Aqtaýda birneshe shaǵyn aýdandy jylýmen qamtıtyn magıstraldyq jylý qubyrynda apattyq jaǵdaı oryn alyp, jylý berý ýaqytsha shektelgen bolatyn. Qazir apattyq orynda «Kaspıı jylý, sý arnasy» MKK mamandary jóndeý jumystaryn júrgizýde.

Aqtaý qalasynyń ákimi Ulyqbek Tnalıev apattyq orynǵa baryp, jaǵdaıdy baqylaýda ustaýda. Sondaı-aq, oqıǵa ornyna Mańǵystaý oblysynyń ákimi Nurlan Noǵaevta baryp komýnaldyq mekeme basshylarymen jáne ýákiletti organ ókilderimen jedel jınalys ótkizdi.

- Qurmetti turǵyndar aqaý bolǵan jer anyqtalyp, eki jaqtan ysyrmalar(zadvıjka) jabylyp, qysymy azaıtyldy. Qazir jóndeý jumystary júrgizilip jatyr. Sonymen qatar, oblys ákimi Nurlan Asqaruly Noǵaev osy jerge ózi kelip, komýnaldyq qyzmetkerlermen jınalys ótkizip, tapsyrmasyn berdi.

Atalǵan jınalysta osy aqaýdy retteý máselesimen qatar, bolashaqta da qandaı jumystardy jasaıtynymyzdy, ıaǵnı tez arada shuǵyl qolǵa alatyn sharalardy talqyladyq. Barlyq tehnıkalar jumyldyryldy. Qazir qubyrlardy alyp kelip, osy jerde aýystyrý máselesin qarap, arnaıy jospar bekitildi, - dedi qala ákimi Ulyqbek Tnalıev.

[video width="480" height="640" mp4="https://dalanews.kz/wp-content/uploads/2023/12/VID-20231210-WA0056.mp4"][/video]