Freedom kompaniialar toby qarjylandyratyn jobanyń jalpy quny 2,12 mlrd teńgeni quraidy.
Aqtaý qalasynan 10 shaqyrym jerde ornalasqan aýyz sýmen jabdyqtaý nysandarynyń ashylýyna Mańǵystaý oblysynyń ákimi Nurlan Noǵaev pen «Freedom Holding Corp» bas atqarýshy direktory Timýr Týrlov qatysty.
Aqtaý qalasyndaǵy tushytý zaýytynan TsÝVS-4 (ortalyq sýmen jabdyqtaý toraby) deiingi sorǵy stantsiiasy men sýmen jabdyqtaý jelilerin salý jáne montajdaý jumystaryn Mańǵystaý oblysynyń energetika jáne turǵyn úi-kommýnaldyq sharýashylyq basqarmasy men «Kaspii Jylý, sý Arnasy» memlekettik kommýnaldyq kásiporny júrgizdi. Qazirgi ýaqytta «KJSA» MKK tarapynan nysandar sý jetkizýge 100% daiyn.
Bul joba 2022 jyldyń qazan aiynda Mańǵystaý oblysynyń ákimdigimen Freedom kompaniialar tobynyń memorandýmǵa qol qoiýy sheńberinde júzege asyryldy. Bastama «Damyǵan óńirler-eldi alǵa shyǵarýshy draiver»ulttyq baǵdarlamasyn qoldaý sheńberinde, azamattardyń bazalyq qyzmetterge teń qoljetimdiligin qamtamasyz etý, turǵyn úi-kommýnaldyq sharýashylyǵy men kólik bailanysyn jaqsartý maqsatynda júzege asyrylǵan.
- Búgin biz óńirimiz úshin mańyzdy nysandardyń biri - Aqtaý qalasynda jáne Túpqaraǵandaǵy keibir aýyldarda aýyz sý tapshylyǵy máselesin sheshýge kómektesetin jańa sorǵy stantsiiasy jáne sýmen jabdyqtaý jelisiniń ashylýy. Sońǵy jyldary sý tapshylyǵy Mańǵystaý oblysy úshin óte ózekti másele. Oblys ákimdigi osy máseleni sheshý boiynsha tushytý zaýyttary salynýda, jumys istep turǵan zaýyttardyń qýatyn arttyrý boiynsha jumystar júrgizilýde. Birneshe jyl ishinde sý tapshylyǵy máselesin tolyq sheshý kútilýde. Búgingi tańda tushytý zaýytynan TsÝVS-4-ke deiingi sorǵy stantsiiasy men sýmen jabdyqtaý jelisiniń ashylýy máseleni sheshý boiynsha qabyldanyp jatqan sharalardyń bir mysaly bolyp tabylady. Jobany Freedom kompaniialar toby tolyǵymen qarjylandyrdy. Sol úshin oblys turǵyndarynyń atynan zor alǵys bildiremin, - dedi Nurlan Noǵaev.
Eki sý qubyry jelisiniń árqaisysynyń uzyndyǵy 10 shaqyrymnan asady, al sorǵy stantsiiasynyń qýattylyǵy táýligine 20 000 m3 quraidy. Salynǵan sý qubyry arqyly Aqshuqyr jáne Saiyn-Shapaǵatov aýyldarynyń turǵyndaryn, sondai-aq Aqtaý qalasy turǵyndarynyń bir bóligin úzdiksiz sýmen qamtamasyz etýge múmkindik týady.
- Ótken jyly Mańǵystaý oblysynyń ákimimen kezdesý barysynda biz óńirdiń shuǵyl áreket etýdi talap etetin máselelerin talqyladyq. Sondyqtan osy úlken jobany iske asyrýdy bastadyq, nátijesin búgin kórip otyrmyz. Bul joba biznes pen memlekettiń seriktestiginiń arqasynda Aqtaý men qala mańyndaǵy aýyldardyń júzdegen myń turǵyndary úshin sýmen qamtamasyz etýge múmkindik beredi. Aimaq úshin áleýmettik jáne ekonomikalyq mańyzy bar úlken jobany jasaý úshin bizge bir jyldan az ýaqyt qajet boldy. Bul birigip jumys atqarýdyń nátiejesinde aýqymdy máselelerdi tez ári sapaly sheshe alatynymyzdy, azamattardyń ál-aýqatyn arttyrý úshin úles qosatynymyzdy bildiredi, - dedi «Freedom Holding Corp» bas atqarýshy direktory Timýr Týrlov.
