Aqsý qant zaýyty qaita iske qosyldy
Aitalyq, kúni keshe Almaty oblysynda osydan on jyl buryn toqtap qalǵan qant zaýyty qaitadan iske qosyldy.
Aqsý qant zaýyty budan shamamen 10 jyl qarjylyq tapshylyqqa bailanysty daǵdarysqa ushyrap, toqtap qalǵan. Indýstriialandyrý baǵdarlamasy qaitip ashylýy neǵaibyl degen zaýyttyń júregin qaita soqtyrdy.
Óndiris orny iske qosylǵan kúni-aq ónim shyǵarýdy bastap ketti. Aita ketsek, Aqsýdaǵy qant zaýytyn qaitadan iske qosý jónindegi yntymaqtastyq memorandýmyna biylǵy jylǵy kóktemde qol qoiylǵan edi. Kásiporynǵa tartylǵan investitsiianyń jalpy kólemi – 15 mlrd teńgeni quraidy. Munyń 3 milliard teńgesi negizgi qural-jabdyqtardy qaita jańǵyrtý úshin «Jetisý» áleýmettik-kásipkerlik korporatsiiasy tarapynan bólingen. Osylaisha osydan 10 jyl ýaqyt buryn turalap qalǵan zaýyt qaitadan iske qosyldy.
Kásiporyn bir kúnde 2,5-3 myń tonna qant qyzylshasyn óńdese, bir jyldyq qýaty – 350 myń tonnany quraidy. Budan alynatyn qant 32 myń tonnadan asady.
Óz kezeginde zaýyttyń qaita ashylý saltanatyna qatysqan Almatynyń oblysynyń ákimi
Amandyq Batalov: «Biz qazir 80 myń tonnadan bastap jatyrmyz. Kelesi jyly egis ainalymyn ornyna keltirip, onyń kólemin jyl saiyn kóbeitemiz. Búginniń ózinde 500 adam jumys istep jatyr. Jumyssyzdyq ótken jyly 5,7 paiyz bolsa, osy jyly bir zaýyttyń arqasynda 4,7 paiyzǵa tómendedi. Jóndeý jumystary barysynda mehanikalyq jáne elektrondy tarazylar aýystyryldy. Qyzylsha kesetin jáne jiilik aýystyrý apparattary alyndy», – dep atap ótti.
Al Aqsý aýdanynyń turǵyndary Elbasyna dán riza. «Halyq bolyp osy zaýytty kóteremiz degen oidamyz» deidi olar.
Zaýyttyń iske qosylýyn óńir diqandary da asyǵa kútti. Óitkeni, ónimderin 200-250 shaqyrym jerdegi Kóksý qant zaýytyna aparyp júrgen Aqsý, Sarqan aýdandarynyń sharýa qojalyqtary endi qyzylshalaryn osynda ótkizedi. Demek, shyǵyn az, paida kóp bolady. Al paidaly daqyldy ósiretinderdiń qatary jyl ótken saiyn arta bermek. Tileýqabyl Myńjasar, tilshi: – Aldaǵy úsh jylda zaýyt tolyqtai qaita jańǵyrtýdan ótedi. Zamanaýi jańa jabdyqtar alynady. Nátijesinde kásiporynnyń óndiristik qýaty búgingiden áldeqaida joǵary bolady. Avtorlary: Tileýqabyl Myńjasar, Qýanysh Túrgenbaev
