Óńir basshysy 2017 jylda atqarylǵan jumystardy da sholyp ótti. Aqsý aýdanynda ónerkásip salasynda 4 milliard teńgeniń ónimi óndirilgen. Sondai-aq, ótken jyl atalmysh salada qant zaýytynyń qaita iske qosylýymen este qaldy. 10 jyldan keiin óz jumysyn qaita bastaǵan zaýyt 500-den astam adamdy jumyspen qamtyp, qant qabyldaý pýnktine 80 myń tonna qyzylsha qabyldaǵan. Al, biyl zaýyt jańartýdan ótken soń 120 myń tonna tátti túbir óndirýdi josparlap otyr.
It jylynda atqarylǵan sharýa bul ǵana emes, oblystyq mańyzy bar joldary boiynsha ótken jyly «Almaty-Óskemen-Qapal-Arasan shipajaiy» jolynda 48-77 shaqyrym aralyǵynda ortasha jóndeý jumystary júrgizile bastaldy, biylǵy jyly osy jumystar tolyǵymen aiaqtalady.
– Aýdan kóleminde úlken jumystar júrgizilip jatyr.
2013 jyldan «Týǵan jerge týyńdy tik!» aktsiiasyn jurtshylyqtyń qoldaýymen bastap, aýdannan shyqqan kásipker, týǵan aýyly úshin óz úlesin qosqan azamattardyń arqasynda Jansúgirov, Matai aýyldarynda áleýmettik nysandar men aýyldaǵy turǵyn úige muqtaj kezekte turǵan, áleýmettik jaǵynan az qamtylǵan 8 otbasyn pátermen qamtamasyz etý, jolaýshylar tasymalyn uiymdastyrý jáne de basqa birshama igi jumystar jasaldy. Jalpy, 2018 jyldy qosa eseptegende tórt jyl ishinde aýdan kóleminde 56 úi salyndy, – deidi aýdan ákimi Ádilbek Egeýbekuly.
Elimizde Elbasynyń bastamasymen sońǵy kezderi kóterilip jatqan másele – aýyldardaǵy ózin-ózi qamtyp otyrǵan jeke sharýalardy biriktirip, sút, et óndirý baǵytynda iri aýylsharýashylyq kooperativterin qurý. Osy maqsatta aýdanda barlyǵy 5 kooperativ quryldy. Etti baǵytta 1, sútti baǵytta 3, biiazy júndi qoidyń júnin daiyndaityn 1 kooperativ jumys isteýde.
Aldaǵy 2019 jyly Jansúgirov aýylynda 20 million teńgege I.Jansúgirovtiń eskertkishin ornatý jáne demeýshilerdiń kómegimen 15 million teńgege Qarakóz aýyldyq klýbynyń ǵimaratyn salý josparlanyp otyr.
Jalpy aýdan boiynsha jeke menshik esebinen salynǵan turǵyn úiler kólemi 2017 jyly 2024 sharshy metridi qurap, 2016 jylmen salystyrǵanda 104,9 paiyzǵa baspasóz-máslihatynda aityldy. Aitalyq, Taras aýylyndaǵy negizgi mektepke kúrdeli jóndeý jumystary júrgizilip, sonymen qatar jańadan bilim oshaǵyna japsarlas dene shynyqtyrý zaly salynǵan. Al Qarakóz aýylyndaǵy jańadan 120 oryndyq mektep 25 oryndyq mektepke deiingi shaǵyn ortalyqty salýǵa 655 mln. teńge josparlanýda. Osy rette qurylysqa qajettiń qarajattyń 50 mln. teńgesi 2017 jyly bólinse, qalǵan 605 mln. teńge biyl bólinip, ortalyqtyń jumysyn biyl aiaqtaý josparlanyp otyr. Sol siiaqty Quraqsý aýylyndaǵy negizgi orta mektebin kúrdeli jóndeýden ótkizý úshin oblystyq biýdjetten 103 mln. 802 myń teńge qarajat bólinip, aǵymdy jyldyń tamyz aiynda nysan paidalanýǵa beriledi dep kútilýde.
Osy jyly aýdan ortalyǵynda 180 kórermen siiatyn dene shynyqtyrý-saýyqtyrý kesheniniń qurylys jumystary bastalady. Bul jumystardyń merzimi eki jylǵa josparlanǵandyqtan, oǵan biyl 300 mln. teńge bólingen. Jalpy qurylystyń quny 754 mln. teńgege baǵalanǵan.
Jansúgirov aýylyndaǵy órtengen úi turǵyndaryna arnalǵan 14 jeke turǵyn úilerdiń qurylysy boiynsha jumystar atqarylýda. Qazirgi tańda barlyq 14 úidiń irge tasy qabyrǵalary qalandy. Búgingi kúnge jylý júielerin ornatý, ishki sylaq jumystary júrgizilýde.
2017 jylǵa arnalǵan oblystyq biýdjettiń shuǵyl shyǵyndarǵa eskerilgen oblystyq jergilikti atqarýshy organnyń rezervinen osy 14 jeke osy turǵyn úilerdi jobalaýǵa, salýǵa bastapqy 31 mln. teńge bólinip tolyǵymen igerilipti. Al 2018 jylǵa 203 mln. 698 myń teńge qarajat bólinip otyr. Biyl Jansúgirov aýylynda 20 jeke turǵyn úi injenerlik-kommýnikatsiialyq júielerimen salý úshin 140 mln. teńge qarajat bólingen.
Aita keteiik, aýdandaǵy kýanyshty habardyń biri byltyrǵy jyly Qyzylaǵash sý qoimasynyń jańa nysan qurylysynyń bastalǵany bolatyn. Ashybulaq aýylyndaǵy sýmen jabdyqtaý júiesin qalpyna keltirý jáne qurylys jumystaryna oblystyq biýdjetten 151,6 mln teńge bólinip, búgingi kúnge barlyq qurylys jumystary aiaqtalyp, nysan paidalanýǵa berilgen.
Sondyqtan daaýdan áleýmettik-ekonomikalyq damýyna zor septigin tigizetin igi is-sharalar, jylma-jyl ónimin kóbeitetin kásiporyndar, jergilikti turǵyndardy jumysqa tartý sharalaryna árqashan úlken mán bermek.
Baljan QAIRATQYZY
Almaty oblysy
