Almatyda atyshýly «Vagner» jekemenshik áskeri kompaniiasynda qyzmet etip, Ýkrainadaǵy soǵysqa qatysqan Qazaqstan azamaty Timýr Pralievke qatysty sot ótti. Ol AQSh- qa zańsyz ótýge talpynǵan sátinde ustalǵan edi, dep habarlaidy Dalanews.kz.
Sot qujattaryna sáikes, QR Qylmystyq kodeksiniń 172- baby («Sheteldik qarýly qaqtyǵystarǵa qatysý») boiynsha qozǵalǵan qylmystyq isti Almaly aýdandyq soty 15 shildede óndiriske qabyldaǵan. 2 qyrkúiekte sot aiyptalýshynyń ákesi Ǵalymjan Pralievke ulyn qoǵamdyq qorǵaýshy retinde qorǵaýǵa ruqsat berdi.
Qazaqstanda burynǵy jaldamaly áskeridi Qylmystyq kodekstiń 172- baby boiynsha jaýapkershilikke tartty. Sonymen qatar, ol Resei azamattyǵyn qalai alǵanyn da túsindirýge mindetti bolǵan, elimizde qos azamattyqqa zańmen tyiym salynǵan.
Almaty qalalyq sot Qazaqstan azamaty Timýr Pralievti 5 jyl bas bostandyǵynan aiyrdy. Ol Reseidiń Ýkrainaǵa qarsy soǵysyna qatysý úshin «Vagner» jekemenshik áskeri kompaniiasy arqyly jaldanǵan, keiin Malide de osy toptyń quramynda jaldamaly jaýynger bolǵan.
Bul Qylmystyq kodekstiń 172- baby boiynsha kózdelgen eń tómengi jaza , dep jazady Orda.kz. Atalǵan bap mundai áreketterdiń jaldamalylyq belgilerinsiz jasalýyn kózdeidi. Al tikelei jaldamalylyq Qylmystyq kodekstiń 170- babymen qarastyrylady, biraq bul bapty qoldaný tájiribesi Qazaqstanda ázirge tirkelmegen.
