الماتىدا اتىشۋلى «ۆاگنەر» جەكەمەنشىك اسكەري كومپانياسىندا قىزمەت ەتىپ، ۋكرايناداعى سوعىسقا قاتىسقان قازاقستان ازاماتى تيمۋر پرالييەۆكە قاتىستى سوت ءوتتى. ول اقش- قا زاڭسىز وتۋگە تالپىنعان ساتىندە ۇستالعان ەدى، دەپ حابارلايدى Dalanews.kz.
سوت قۇجاتتارىنا سايكەس، ق ر قىلمىستىق كودەكسىنىڭ 172- بابى («شەتەلدىك قارۋلى قاقتىعىستارعا قاتىسۋ») بويىنشا قوزعالعان قىلمىستىق ءىستى المالى اۋداندىق سوتى 15 شىلدەدە وندىرىسكە قابىلداعان. 2 قىركۇيەكتە سوت ايىپتالۋشىنىڭ اكەسى عالىمجان پرالييەۆكە ۇلىن قوعامدىق قورعاۋشى رەتىندە قورعاۋعا رۇقسات بەردى.
قازاقستاندا بۇرىنعى جالدامالى اسكەريدى قىلمىستىق كودەكستىڭ 172- بابى بويىنشا جاۋاپكەرشىلىككە تارتتى. سونىمەن قاتار، ول رەسەي ازاماتتىعىن قالاي العانىن دا تۇسىندىرۋگە مىندەتتى بولعان، ەلىمىزدە قوس ازاماتتىققا زاڭمەن تىيىم سالىنعان.
الماتى قالالىق سوت قازاقستان ازاماتى تيمۋر پرالييەۆتى 5 جىل باس بوستاندىعىنان ايىردى. ول رەسەيدىڭ ۋكرايناعا قارسى سوعىسىنا قاتىسۋ ءۇشىن «ۆاگنەر» جەكەمەنشىك اسكەري كومپانياسى ارقىلى جالدانعان، كەيىن ماليدە دە وسى توپتىڭ قۇرامىندا جالدامالى جاۋىنگەر بولعان.
بۇل قىلمىستىق كودەكستىڭ 172- بابى بويىنشا كوزدەلگەن ەڭ تومەنگى جازا ، دەپ جازادى Orda.kz. اتالعان باپ مۇنداي ارەكەتتەردىڭ جالدامالىلىق بەلگىلەرىنسىز جاسالۋىن كوزدەيدى. ال تىكەلەي جالدامالىلىق قىلمىستىق كودەكستىڭ 170- بابىمەن قاراستىرىلادى، ءبىراق بۇل باپتى قولدانۋ تاجىريبەسى قازاقستاندا ازىرگە تىركەلمەگەن.
