AQSh biligi immigratsiialyq viza alýǵa ótinish beretin keibir azamattar úshin vizalyq kepildik jarna tóleýdi kózdeitin jańa baǵdarlamany iske qospaq, dep habarlaidy dalanews.kz "Bloomberg Law" basylymyna silteme jasap.
Jańa pilottyq joba alǵashynda Dominikan Respýblikasynyń azamattaryna qatysty qoldanylady. AQSh Memlekettik departamentiniń málimetinshe, konsýldyq qyzmetkerler memleketke áleýmettik júk bolýy múmkin dep eseptelgen úmitkerlerden 100 myńnan 250 myń dollarǵa deiin kepildik jarna talap ete alady. Onyń naqty mólsheri ár ótinish berýshige jeke belgilenedi.
AQSh Memlekettik departamentiniń ókili Tommi Pigotttyń aitýynsha, jańa shara áleýmettik qoldaý júiesin qorǵaýǵa baǵyttalǵan.
Baǵdarlama AQSh ákimshiligi engizip otyrǵan kóshi-qon talaptaryn kúsheitý sharalarynyń bir bóligi sanalady. Buǵan deiin Memlekettik departament týristik jáne iskerlik maqsattaǵy B sanatyndaǵy vizalar úshin 20 myń dollarǵa deiin kepildik jarna engizýdi qarastyratyn erejelerdi ázirlegen bolatyn.
Sonymen qatar AQSh-ta birqatar immigratsiialyq vizalardy berýge qatysty shekteýler saqtalyp otyr. Qazirgi tańda mundai shekteýler 75 eldiń azamattaryna áser etedi.
