Qazaqstan Syrtqy ister ministrligi AQSh-ta tabylǵan máiittiń buryn habar-osharsyz ketken Qazaqstan azamaty Aset Quralbaiǵa tiesili ekenin resmi túrde rastady, dep habarlaidy dalanews.kz.
«Qazaqstan Respýblikasynyń Syrtqy ister ministrligi AQSh-tyń quzyretti organdary buryn tabylǵan adamnyń jeke basyn anyqtaǵanyn rastaidy. Ol Qazaqstan azamaty Aset Quralbai bolyp shyqty. Marqumnyń týǵan-týystary men jaqyndaryna qaiǵylaryna ortaqtasyp, kóńil aitamyz», – delingen vedomstvo habarlamasynda.
Ministrliktiń málimetinshe, qazirgi ýaqytta qazaqstandyq diplomattar AQSh-tyń quzyrly organdarymen jáne marqumnyń týystarymen turaqty bailanysta.
«Týystaryna qajetti konsýldyq kómek kórsetilip jatyr. Atap aitqanda, qujattardy rásimdeý jáne máiitti Qazaqstanǵa jetkizý máseleleri boiynsha qoldaý berilýde», – dep habarlady SIM.
Eske salsaq, buǵan deiin AQSh-ta Qazaqstan azamatynyń joǵalyp ketkeni týraly aqparat taraǵan edi. Keiin Chikago qalasynda joǵalǵan azamatqa tiesili bolýy múmkin máiit tabylǵany habarlanǵan bolatyn.
