Aqmola oblysynda 45 jastaǵy er adam internet-alaiaqtardyń arbaýyna túsip, páterin satyp jibergen. Buǵan qosa, ol eki nesie rásimdep, qolyna túsken qarajattyń barlyǵyn bógde adamdardyń esepshottaryna aýdarǵan, dep habarlaidy dalanews.kz.
Oblystyq politsiia departamentiniń málimetinshe, alaiaqtar turǵynmen toǵyz kún boiy bailanysyp, ózderin Ádilet ministrliginiń qyzmetkerleri retinde tanystyrǵan. Olar er adamdy jinaǵan qarajatyn qorǵaý úshin arnaiy «saqtandyrý shotyn» ashý qajet dep sendiripti.
Qaskóilerdiń aitqanyna sengen turǵyn páterin satyp, eki nesie alǵan. Keiin barlyq aqshany alaiaqtar kórsetken dropperlerdiń bank shottaryna aýdaryp jibergen.
Er adam páterdi satyp alý-satý mámilesi tek formaldy túrde rásimdeledi jáne baspanasy ózinde qalady dep oilaǵan. Alaida aqyrynda ol úiinen de, aqshasynan da aiyrylǵan.
«Keltirilgen jalpy materialdyq shyǵyn 7 million 480 myń teńgeden asty. Qazirgi ýaqytta atalǵan derek boiynsha tergeý júrgizilip, qylmysqa qatysy bar adamdar anyqtalyp jatyr», – dep habarlady politsiia.
Quqyq qorǵaý organdary turǵyndardy telefon arqyly ózin memlekettik organnyń nemese bank qyzmetkeri retinde tanystyratyn beitanys adamdarǵa senbeýge shaqyrady. Sondai-aq kúmándi shottarǵa aqsha aýdarmaýdy jáne olardyń nussqaýymen nesie rásimdemeýdi eskertedi.
