Aqmola oblysynda sý qoimasy mańyndaǵy otbasylyq demalys qaiǵyly oqiǵamen aiaqtaldy. 11 shilde kúni Tselinograd aýdanyna qarasty Qyzyljar aýylynyń mańynda kólik sýǵa túsip ketip, 8 jáne 12 jastaǵy apaly-sińlili eki qyz kóz jumdy, dep habarlaidy dalanews.kz.
Aldyn ala málimet boiynsha, otbasy demalys kúnderin tabiǵat aiasynda ótkizý úshin jasandy sý qoimasynyń jaǵasyna baryp, sol jerde túnegen. Kelesi kúni tańerteń sýǵa shomylǵan qyzdar kiimderin aýystyrý maqsatynda jaǵalaýda turǵan avtokólikke otyrǵan.
Osy sátte kólik kenetten ózdiginen qozǵalyp, eńispen tómen syrǵyp, sýǵa qulaǵan. Qyzdardyń ákesi balalaryn qutqarýǵa áreket jasaǵanymen, kóliktiń esigin asha almaǵan jáne terezesin de syndyra almai qalǵan.
Avtokólik qysqa ýaqyttyń ishinde sý túbine batyp, saldarynan eki bala qaza tapty.
Qazirgi tańda oqiǵanyń naqty sebepteri anyqtalyp jatyr. Quzyrly organdar tergeý amaldaryn bastady.
