Aqmola oblysynyń Volgodonovka aýylynda qaiyrymdylyqqa salynǵan balalar oiyn alańynyń sońy sotpen aiaqtaldy, dep habarlaidy dalanews.kz.
Jergilikti kásipker birneshe jyl buryn óz qarajatyna ornatqan oiyn alańyn tolyqtai buzyp tastaǵan. Buǵan sottyń ony oiyn kezinde jaraqat alǵan qyzdyń otbasyna 1,25 million teńge kóleminde ótemaqy tóleýge mindettegen sheshimi sebep bolǵan.
Oqiǵa byltyr bolǵan. Kishkentai qyz oiyn alańyndaǵy syrǵanaqtan qulap, basynan jaraqat alǵan. Balanyń anasy sotqa júginip, oiyn alańynyń ainalasynda arnaiy jumsaq tósenish bolmaǵanyn aityp, nysan qaýipsizdik talaptaryna sai kelmeitinin málimdegen.
Bir jylǵa jýyq qaralǵan istiń nátijesinde sot talap-aryzdy qanaǵattandyrdy. Al kásipker bul sheshimmen kelispeitinin aityp, syrǵanaqtyń sertifikattalǵan qaýipsiz materialdan jasalǵanyn jáne oqiǵa kezinde balanyń eresekterdiń qaraýynsyz júrgenin alǵa tartqan. Soǵan qaramastan, ol sot sheshimine baǵynyp, ótemaqyny óz erkimen tóleitinin jetkizgen.
Bul jaǵdai áleýmettik jelide qyzý talqylanyp, kópshilik kásipkerge qarjylai kómek usynǵan. Alaida ol mundai kómekten bas tartyp, sot protsesinen keiin balalar oiyn kesheni men alańqaidy tolyqtai buzǵan.
