Aqmola oblysynda erigen qar sýy kelýine bailanysty Shóptikól bógeti buzyldy, dep habarlaidy Dalanews.kz.
Óńir ákimdigi aqparatyna súiensek, oqiǵa ornynda oblys ákimi Marat Ahmetjanov pen tótenshe jaǵdailardyń aldyn alý komitetiniń tóraǵasy Serik Júnisbekov bar.
Oblys ákiminiń orynbasary Murat Balpannyń jetekshiligimen jedel shtab qurylǵan.
Jaqyn mańdaǵy eldi meken Sabyndy aýylyn sý basý qaýpi tolyq joiylǵan, barlyq nysan qalypty rejimde jumys istep tur. Jergilikti atqarýshy organdar, TJM kúshteri jáne turǵyndar Astana-Qorǵaljyn respýblikalyq tasjoly arqyly erigen sýdy dalaǵa buryp jatyr.
Tótenshe jaǵdaidyń saldaryn joiýǵa 56 tehnika jáne 230-dan asa jergilikti turǵyn, TJM jeke quramy jumyldyrylǵan. 5 myń qap jáne 50 myń tonna inertti material daiyndalǵan. Jaǵdai tiisti qyzmetterdiń baqylaýynda.
Bóget Astana-Qorǵaljyn respýblikalyq tasjolynyń bir bóligin sý basýdan qorǵaidy, sondai-aq, Shevchenko jáne Balqash toǵandaryn sýmen qamtamasyz etedi.
