Aqmola oblysynda sheneýnikter tórt muǵalimdi sotqa bergen, - dep habarlaidy Dalanews.kz.
Sot bilim bólimi basshysynyń orynbasary "A."-ǵa, aýyl mektepteriniń muǵalimderi "D.", "I.", "N."-ǵa negizsiz baiytý somasyn óndirip alý týraly aýdandyq Bilim bóliminiń talap aryzy boiynsha azamattyq is qarady.
Biýdjet qarajatyn paidalaný boiynsha tekserý komissiiasymen birqatar qarjylyq buzýshylyqtar anyqtalǵan, iaǵni 2021-2022 jyldary jalaqyny negizsiz esepteý jáne aýdarý júrgizilgen, atap aitqanda: qate tabeldeý arqyly "A."-ǵa jalaqy jáne eńbek demalysy somasy asa tólengen; "D."-ǵa oryndalmaǵan jumystar úshin; "I." jáne "N."-ǵa sanattaryn durys anyqtalmaǵandyqtan jalaqy artyq tólengen.
Osynyń negizinde tekserý komissiiasy Bilim bólimine nusqama shyǵardy: anyqtalǵan buzýshylyqtardy joiý, buzýshylyqtarǵa jol bergen tulǵalarǵa jaýapkershilik sharalaryn qoldaný, biýdjet kirisine durys tólenbegen somalardy óteý.
Nusqamany oryndaý maqsatynda, Bilim bólimi býhgalteriianyń mamandary men ekonomisti tártiptik jazaǵa tartqan.
Al somany sot tártibinde jaýapkerlerden óndirip alýdy surady: "A."-dan - 1 805 000 teńge, "D."-dan - 616 000 teńge, "I."-den - 66 000 teńge, "N."-nan - 584 000 teńge.
Sotta kelesi anyqtaldy:
- Jaýapkerlerge kórsetilgen somalar jalaqy retinde berilgen: "A." tórt mektepte biologiia pániniń muǵalimi bolyp jumys istegeni úshin, "D." mektep-gimnaziiada jumys jasaǵany úshin, "I." jáne "N." mektepte muǵalim bolyp jumys istegenderi úshin alǵan.
- Tólengen somalar qaitarylýǵa jatpaityn jalaqynyń quramyna kiredi, óitkeni muǵalimder adal eńbegimen alǵan.
- Bilim bólimi nusqamada kórsetilgen faktiler boiynsha qyzmettik tergeý júrgizbegen, jaýapkerlerge tártiptik jaýapkershilik sharalar qoldanbaǵan, jaýapkerler tarapynan ádiletsizdiktiń dálelderi sotqa usynylmady.
- Nusqamany oryndaityn jalaqy alǵan muǵalimder emes, memlekettik organ, iaǵni Bilim bólimi oryndaýy kerek.
Joǵaryda aitylǵannyń negizinde, sot Bilim bóliminiń muǵalimderine negizsiz baiytý somasyn óndirip alý týraly talap aryzyn qanaǵattandyrýdan bas tartty.
Sot sheshimi zańdy kúshine endi.
