Aqmola oblysynyń mamandandyrylǵan tabiǵat qorǵaý prokýratýrasy sharýashylyq júrgizýshi sýbektisine Qosshy qalasynyń qalalyq jaǵajaiyn ornalastyrý jáne oǵan qyzmet kórsetý úshin kadastrlyq quny 47,6 mln tg bolatyn 1,9844 ga jerdi zańsyz berý faktisin anyqtady, dep habarlaidy Dalanews.kz.
Byltyr 2 shildede Qosshy qalasynyń Turǵyn úi-kommýnaldyq sharýashylyq jáne turǵyn úi inspektsiiasy bóliminiń basshysy shart negizinde Qosshy qalasy Sarqyrama ózeniniń boiynda ornalasqan jaǵajai túrindegi múlikti 5 jyl merzimge senimgerlik basqarýǵa berdi.
Bul rette Qosshy qalasynyń turǵyn úi-kommýnaldyq sharýashylyq jáne turǵyn úi inspektsiiasy bóliminde osy jer ýchaskesin paidalaný jáne oǵan bilik etý quqyǵy bolǵan joq.
Osylaisha, bólim basshysy negizsiz shart jasasyp, jerdi senimgerlik basqarýǵa berdi.
27 qańtarda qadaǵalaý aktisi boiynsha zańsyz jasalǵan sharttyń kúshi joiylyp, Qosshy qalasy ákiminiń 29 qańtarda ókimimen memlekettik qyzmetter kórsetý salasyndaǵy zańnama talaptaryn buzǵany úshin bólim basshysyna tártiptik jaza qoldanyldy.
Sonymen qatar, Sarqyrama men Taimanuly kósheleriniń boiynda ornalasqan 5 jer ýchaskelerinde kópirler men qorshaýlar ornatý arqyly memlekettik jer ýchaskelerin zańsyz ielenip alý faktileri anyqtaldy.
Ýákiletti organdar jer ýchaskelerin qaitarý boiynsha jumys júrgizip jatyr.
