Aqmola oblysynda birneshe kóliktiń qatysýymen bolǵan jol-kólik oqiǵasy adam ólimimen aiaqtaldy, dep habarlaidy Dalanews.kz.
Oblystyq politsiia departamentiniń málimetinshe, 13 jeltoqsanda Astana – Ereimentaý – Shiderti avtojolynyń 94–95 shaqyrymynda, Pavlodar baǵytyna qarai qozǵalys kezinde jeti avtokóliktiń qatysýymen jappai jol apaty oryn alǵan.
Aldyn ala derekterge sáikes, jol-kólik oqiǵasy saldarynan eki adam túrli deńgeidegi dene jaraqattaryn alǵan. Al bir jolaýshy oqiǵa ornynda kóz jumdy.
Quqyq qorǵaý organdary atalǵan fakti boiynsha sotqa deiingi tergep-tekserý jumystaryn bastaǵan. Tergeý nátijesi boiynsha tiisti protsessýaldyq sheshim qabyldanady.
Politsiia ókilderi osyndai qaiǵyly jaǵdailardyń aldyn alý úshin júrgizýshilerdi jyldamdyq rejimin qatań saqtaýǵa, ásirese kólik qozǵalysy qarqyndy ýchaskelerde muqiiat bolýǵa jáne kóliktiń tehnikalyq jaǵdaiyn únemi baqylaýda ustaýǵa shaqyrdy.
