اقمولا وبلىسىندا بىرنەشە كولىكتىڭ قاتىسۋىمەن بولعان جول-كولىك وقيعاسى ادام ولىمىمەن اياقتالدى، دەپ حابارلايدى Dalanews.kz.
وبلىستىق پوليسيا دەپارتامەنتىنىڭ مالىمەتىنشە، 13 جەلتوقساندا استانا – ەرەيمەنتاۋ – شىدەرتى اۆتوجولىنىڭ 94–95 شاقىرىمىندا، پاۆلودار باعىتىنا قاراي قوزعالىس كەزىندە جەتى اۆتوكولىكتىڭ قاتىسۋىمەن جاپپاي جول اپاتى ورىن العان.
الدىن الا دەرەكتەرگە سايكەس، جول-كولىك وقيعاسى سالدارىنان ەكى ادام ءتۇرلى دەڭگەيدەگى دەنە جاراقاتتارىن العان. ال ءبىر جولاۋشى وقيعا ورنىندا كوز جۇمدى.
قۇقىق قورعاۋ ورگاندارى اتالعان فاكتى بويىنشا سوتقا دەيىنگى تەرگەپ-تەكسەرۋ جۇمىستارىن باستاعان. تەرگەۋ ناتيجەسى بويىنشا ءتيىستى پروسەسسۋالدىق شەشىم قابىلدانادى.
پوليسيا وكىلدەرى وسىنداي قايعىلى جاعدايلاردىڭ الدىن الۋ ءۇشىن جۇرگىزۋشىلەردى جىلدامدىق رەجيمىن قاتاڭ ساقتاۋعا، اسىرەسە كولىك قوزعالىسى قارقىندى ۋچاسكەلەردە مۇقيات بولۋعا جانە كولىكتىڭ تەحنيكالىق جاعدايىن ۇنەمى باقىلاۋدا ۇستاۋعا شاقىردى.
