Aqmola oblysynda dámhana, meiramhana jáne adam kóp jinalatyn ózge de oryndarda gaz ballon qoldanýǵa baqylaý kúsheitildi. Mundai sheshim Shýchinsk qalasynda bolǵan qaiǵyly oqiǵadan keiin qabyldandy, dep habarlaidy Dalanews.kz.
Oblys ákimdigi málimetinshe, aimaq basshysy qoǵamdyq tamaqtaný oryndary men ózge de nysandarda órt qaýipsizdigi talaptary saqtalýyn qatań baqylaýdy tapsyrdy.
Gaz qaýipsizdigi men gazben jabdyqtaý júielerin baqylaý qalalar men aýdandar ákimdikteriniń turǵyn úi inspektsiialaryna júkteldi. Qazir jergilikti atqarýshy organdar reidter men jospardan tys tekseris júrgizip jatyr.
Mobildi toptar áleýmettik nysandardy, kópqabatty jáne jeke turǵyn úilerdi, sondai-aq, gaz toltyrý stantsiialary men avtogaz quiý beketterin aralap júr.
Sonymen qatar, bilik turmystyq gaz ballonyn qabyldap, joiýǵa arnalǵan arnaiy pýnktter ashý máselesin qarastyrýdy josparlap otyr. Mundai sharalar tótenshe jaǵdailardyń aldyn alýǵa baǵyttalǵan.
Eske salaiyq, buǵan deiin Shýchinsk qalasynda bes qabatty turǵyn úige tirkelgen bir qabatty dámhanada gaz aýa qospasy jarylyp, órt shyqty. Saldarynan toǵyz adam kóz jumyp, birneshe adam zardap shekti.
Jarylystan qaza tapqandardyń otbasyna 2 mln teńgeden beriledi.
Sonymen qatar,qaza tapqandardyń otbasylarynyń nesiesi óteledi.
