Aqmola oblysynda laýazymdy tulǵalar memlekettik satyp alýdan zańsyz bas tartqany úshin jaýapqa tartyldy, dep habarlaidy Dalanews.kz.
Oblys prokýratýrasy memlekettik satyp alý salasyndaǵy zańdylyqtyń saqtalýyna taldaý júrgizý barysynda memlekettik organdar "Memlekettik satyp alý týraly" Qazaqstan Respýblikasynyń zańyn buza otyryp, jalpy somasy 3,8 mlrd teńgege nemquraily sebepterimen satyp alýdan birqatar bas tartýdy júzege asyrǵanyn anyqtaǵan.
“Aýdannyń qurylys bólimderiniń biri obektiniń kúrdelilik deńgeiin durys kórsetpeý, bas jospardyń jáne basqa da qujattamanyń bolmaýy sebebinen memlekettik satyp alýdan bas tartqan. Bul negizder memlekettik satyp alýdan bas tartý jáne odan ári shart jasaspaý úshin qoldanylmaidy (Zańnyń 5-baby 13-tarmaǵy)” – delingen habarlamada.
Osylaisha, memlekettik organdardyń atalǵan zańsyz áreketteri kásipkerlerdiń quqyqtaryn, adal básekelestik qaǵidatyn buzady jáne sybailas jemqorlyq táýekelderine alyp keledi.
Oblys prokýratýrasynyń usynýy boiynsha 8 laýazymdy tulǵa ákimshilik jaýapkershilikke tartylyp, jalpy somasy 2 mln teńgeden astam aiyppul salyndy.
