Aqmola oblysynyń Shortandy aýdanynda jedel qyzmet ókilderi memleketaralyq izdeýde bolǵan 45 jastaǵy shetel azamatyn ustady, dep habarlaidy Dalanews.kz.
Quqyq qorǵaý organdarynyń málimetinshe, kúdikti alaiaqtyq qylmys jasady degen kúdikpen bes jyl boiy izdeýde bolǵan. Qylmystan keiin ol tergeýden boi tasalap, 2021 jyly Qazaqstan aýmaǵyna kelgen.
Aldyn ala derekterge sáikes, izdeýdegi azamat birneshe jyl boiy eldiń ár óńirinde júrgen. Ol Shymkent pen Astana qalalarynda qurylys nysandarynda jaldamaly jumys istep kelgen. 2025 jyldyń jeltoqsan aiynda Aqmola oblysyndaǵy Jolymbet kentine kelgen kezde politsiia qyzmetkerleriniń nazaryna iligip, sol jerde ustalǵan.
Qazirgi ýaqytta politseiler tekserý sharalaryn júrgizip, istiń ózge de mán-jaiyn anyqtap jatyr. Tergeý kezeńinde ustalǵan azamat ýaqytsha ustaý izoliatoryna qamaldy.
Kúdiktini izdeýdi bastaǵan tarapqa berý máselesi qoldanystaǵy zańnamaǵa sáikes sheshiledi.
