Aqmola oblysynyń polıseıleri esirtkini jasyryn qoıyp ketýshini sıntetıkanyń asa iri partıasymen ustady, – dep habarlaıdy Dalanews.kz.
İshki ister mınıstrliginiń málimetinshe, ustalǵan áıel 10 jyl boıy Soltústik Qazaqstan oblysynyń aýyldyq mektepteriniń birinde muǵalim bolyp jumys istegen. Biraq birneshe jyl buryn jumystan shyǵyp, esirtki qoldana bastaǵan.
Esirtkini jasyryn salýshyny polısıa qyzmetkerleri Stepnogorsk qalasynda ustady. Jeke tintý barysynda jedel qyzmetkerler tyıym salynǵan zaty bar 14 baılamdy tárkiledi.
37 jastaǵy áıel polıseılerge "jumys kúni" kezinde esirtkini jasyryn salǵan oryndardy kórsetken. Kórsetilgen mekenjaılar boıynsha qyzmetkerler taǵy eki úlken bomba dep atalatyn jáne 4 doza boıynsha oralǵan oram tapty.
Jedel-izdestirý jáne tergeý is-sharalary aıasynda polıseıler jalǵa alynǵan páterdi tekserdi. Munda jedel ýákilder tyıym salynǵan zaty bar taǵy 105 oramdy, sondaı-aq, esirtkini doza boıynsha ólshep-oraýǵa arnalǵan qurylǵylardy tapty.
Saraptama nátıjesinde tárkilengen zat salmaǵy 62,5 gram bolatyn mefedron sıntetıkalyq esirtkisi ekeni rastaldy, bul óte úlken mólsherge jatady. Ustalǵan adamnyń aıtýynsha, ol 2023 jyldyń sońynda Telegram qosymshasynan jumys tapqan. Jeńil tabys týraly ýáde áıeldi qyzyqtyryp, ol kelisken.
Kýratorynyń nusqaýy boıynsha ol Stepnogorsk qalasyna esirtkini jasyryn qoıyp ketý úshin kelgen, biraq ol polısıaǵa ustaldy. Qazir esirtkini ótkizý derekteri boıynsha sotqa deıingi tergeý júrgizilip jatyr, kúdikti qamaýǵa alyndy.
