QR Ónerkásip jáne qurylys ministri jumys saparymen Aqmola oblysy Ivanovka aýylyna baryp, sý tasqyny saldarynan zardap shekken turǵyndarǵa salynyp jatqan úiler qurylysynyń barysyn tekserdi.
Jalpy oblystyń 4 aýdanynda sý tasqynynan zardap shekken 331 turǵynǵa turǵyn úi salý josparlanǵan.
Ivankovka aýylynda 41 turǵyn úidiń qurylysy júrgizilýde, olardyń 20-sy eki páterli jáne 1 úi - bir páterli. Qurylys júrgizip otyrǵan merdiger - «Saianur vip service» JShS.
Búgingi kúni 8 úidiń qabyrǵasyn qalaý jumystary aiaqtaldy, 22 úidiń qabyrǵasyn qalaý jumystary jalǵasýda, 10 úidiń irgetasy quiyldy, 1 úidiń irgetasyn quiýǵa daiyndaldy. Ýchaskede 8 arnaiy tehnika jáne 87 jumysshy (onyń ishinde qosymsha 30 adam) jumys isteidi.
Oblys qajetti qarqyn alýy kerek. Maqsat – sapaly, qaýipsiz jáne jaily baspanamen qamtamasyz etý. Barlyq qurylys nysandarynda baqylaýdy kúsheitý. Óńirde baspana kezeginde turyp, ýaqytsha jerlerde turyp jatqan otbasylar sany kóp, - dedi Qanat Sharlapaev.
