Iá, Beisebaev aitqandai shalǵaida jatqan aýyl-aýdan halqy elimizdiń saiasi keńistiginde Nur Otan partiiasynan basqa saiasi uiymdar bar ekenin bile bermeýi múmkin. Budan aýyl halqynyń elimizdegi saiasi úrdisterden shet qalyp otyrǵanyn baiqaýǵa bolady. Bilikti diplomat osyǵan alańdaýshylyǵyn bildirip, oiyn ortaǵa salypty.
– Osydan birneshe kún buryn áleýmettik jelige jergilikti jerlerdegi Máslihat sailaýyna ózin-ózi usynýshylardy emge tappai qalýymyz múmkin ekenin jazdym. Osylaisha bilik búginde ózin-ózi tuiyqqa tiregenin kesh túsinip otyr.
Aldaǵy ýaqytta jańadan qabyldaǵan zań boiynsha saiasi partiialar Májilis pen Máslihat sailaýyna qatysatyny belgili. Jańa zań boiynsha saiasi dodaǵa birneshe partiialar qatysyp, baq synaýy tiis. Al alys aýyl-aýdandarda tek qana Nur Otan partiiasy bar. Qalǵan partiialardy bary-joǵyn aýyl halqy bilmeidi. Osydan-aq aýyl halqy úshin aldaǵy sailaýda tańdaý bolmaityny anyq.
Shamasy osy bir jait joǵary jaqtaǵylardy qatty alańdatsa kerek. Maǵan tanystarym qazir birqatar aýyl-aýdandarda «Aq jol» partiiasynyń filialdary paida bolyp, oǵan qarapaiym halyqty eritki jáne erkinen tys múshelikke qabyldap jatqanyn jazdy. Osyǵan deiin ózderin Parlamenttegi oppozitsiialyq kúsh retinde keiip tanytyp kelgen «aqjoldyqtar» el arasynda jeldei esip turǵan bul áńgimege qatysty ne der eken? – dep bilikti diplomat «Aq jol» partiiasynyń serkesine suraqty tótesinen qoiypty.
