Aqjarqyn Turlybaidyń soty keiinge shegerildi
Bul týraly Aqjarqyn Turlybaidyń advokaty Suńqar Nurmaǵambetov málimdedi dep jazady Tengrinews.kz. Bul is boiynsha sońǵy sot otyrysy qashan bolatyny ázirshe belgisiz.
"Munyń aldynda sot otyrysy 2017 jyldyń 27-28 aqpanyna belgilengen edi. Endi Aqjarqyn Turlybaidyń isine qatysty sot úkimi qashan shyǵatyny qaitadan belgisiz qalyp otyr. Sot otyrysy ótetin kún múddeli tulǵalardyń barlyǵyna habarlanady", - deidi advokat.
Qazaqstandyq stýdent qyz Aqjarqyn Turlybai 2014 jyly Gýanjoý áiejaiynda ustalǵan bolatyn. Onyń júginen 4,5 kilogramm esirtki tabylǵan. Stýdent Malaiziiaǵa saparlap bara jatqan edi. Qyz mundai júkitń baryn bilmegenin, al sómkeni ózge bireýge berip jiberýge ótingenderden alǵanyn aitqan. Qyzdyń ata-anasy Aqjarqyndy alaiaqtar óz maqsatynda paidalanbaq boldy degen oida.
2015 jyldyń maýsymynda Qytai soty Turlybaidy ómir boiyna bas bostandyǵynan aiyrǵan. 2016 jyldyń 6 mamyrynda apelliatsiialyq sot alǵashqy sheshimdi joqqa shyǵaryp, isti qaita qaraýǵa jibergen.
