Aqyshev: "Qazaqstannyń syrtqy qaryzy 150 milliard dollardan asyp jyǵylatyny ótirik"
Bulai dep Ulttyq bank tóraǵasy Daniiar Aqyshev málim etti.
Aqyshevtiń aitýynsha, syrtqy qaryzdyń mólsheri Qazaqstandaǵy jalpy ishki ónimniń 7 paiyzyn quraidy. "Bul álem boiynsha eń tómen kórsetkishterdiń biri" deidi Aqyshev.
Aqyshev sonymen qatar elimizdiń syrtqy qaryzdaryna qatysty málimet taratyp júrgen keibir aqparat quraldaryna da shúiligip ótti.
"Birqatar aqparat quraldarynyń Qazaqstannyń syrtqy qaryzyna qatysty keltirgen málimetteri shyndyqqa janaspaidy " dedi Ulttyq bank tóraǵasy.
Aita ketsek, budan buryn birqatar qazaqstandyq aqparat quraldary "jeke sektordyń bereshegin qosa alǵandaǵy Qazaqstannyń syrtqy qaryzy 150 milliard dollardan asyp jyǵylady" degen aqpar taratqan.
Aqyshev sonymen qatar Qazaqstandaǵy infliatsiiaǵa da toqtalyp, ony mamyr aiyndaǵy kórsetkishi 0,5 paiyz quraǵanyn aitty. Bas bankirdiń pikirinshe qazirgi infliatsiia "uzaqjylǵy trendke" sai keledi.
Aqyshevtyń aitýynsha, Ulttyq bank biylǵy jylǵy infliatsiia kórsetkishin 6-8 paiyzdyń arasynda bolady dep boljap otyr.
