بۇلاي دەپ ۇلتتىق بانك ءتوراعاسى دانيار اقىشيەۆ ءمالىم ەتتى.
اقىشيەۆتىڭ ايتۋىنشا، سىرتقى قارىزدىڭ مولشەرى قازاقستانداعى جالپى ىشكى ءونىمنىڭ 7 پايىزىن قۇرايدى. "بۇل الەم بويىنشا ەڭ تومەن كورسەتكىشتەردىڭ ءبىرى" دەيدى اقىشيەۆ.
اقىشيەۆ سونىمەن قاتار ەلىمىزدىڭ سىرتقى قارىزدارىنا قاتىستى مالىمەت تاراتىپ جۇرگەن كەيبىر اقپارات قۇرالدارىنا دا شۇيلىگىپ ءوتتى.
"ءبىرقاتار اقپارات قۇرالدارىنىڭ قازاقستاننىڭ سىرتقى قارىزىنا قاتىستى كەلتىرگەن مالىمەتتەرى شىندىققا جاناسپايدى " دەدى ۇلتتىق بانك ءتوراعاسى.
ايتا كەتسەك، بۇدان بۇرىن ءبىرقاتار قازاقستاندىق اقپارات قۇرالدارى "جەكە سەكتوردىڭ بەرەشەگىن قوسا العانداعى قازاقستاننىڭ سىرتقى قارىزى 150 ميلليارد دوللاردان اسىپ جىعىلادى" دەگەن اقپار تاراتقان.
اقىشيەۆ سونىمەن قاتار قازاقستانداعى ينفلياسياعا دا توقتالىپ، ونى مامىر ايىنداعى كورسەتكىشى 0،5 پايىز قۇراعانىن ايتتى. باس بانكيردىڭ پىكىرىنشە قازىرگى ينفلياسيا "ۇزاقجىلعى ترەندكە" ساي كەلەدى.
اقىشيەۆتىڭ ايتۋىنشا، ۇلتتىق بانك بيىلعى جىلعى ينفلياسيا كورسەتكىشىن 6-8 پايىزدىڭ اراسىندا بولادى دەپ بولجاپ وتىر.
