– Múmkindik bolsa, nesie almaǵan durys. Nesiesiz-aq ómir súrýdiń joldaryn qarastyrǵan jón. Aqshany bankte saqtańyzdar. Bul senimdi ári qaýipsiz. 10 mln. teńgege deiingi salymdarǵa Qazaqstannyń depozitterge kepildik berý qory kepil bolady. Ulttyq banktiń litsenziiasyn almaǵan kompaniialarǵa senim artpańyzdar. Moinynda mindettemesi joq, soǵan qaramastan joǵary paiyzdyq mólsherleme usynatyn kompaniialarǵa aldanyp qalmańyzdar, – dep keńes berdi Ulttyq banktiń basshysy jaqynda ótken onlain-konferentsiiada.
Shamasy Aqyshev halyq nesieni jaidan-jai almaitynyn bilmei me? Osyǵan deiin bulaisha úgit-nasihat aitpaǵan Ulttyq banktyń tóraǵasy álgi Smanovtyń ýaǵyzyn tyńdap, soǵan eltip otyrǵannan saý ma?
Ailyǵy shailyǵyna jetpegen soń, quryqqa syryq jalǵap nesie alýǵa májbúr bolatyny barshaǵa belgili. Anaý bir jyly syrt elde elshi bolyp kelgen Birǵanym Áitimova «Halyq nesie alyp, ómir súrýden qoryqpaý kerek» dep aidy aspannan biraq shyǵarǵan edi. Endi Aqshev «nesie almańdar» dep elge aqyl aitýda. Sonda qaisyna senemiz?
Sonymen qatar Ulttyq bank tóraǵasy zeinetkerlerdi nesieden aýlaq júrýge shaqyrypty. Onyń aitýynsha, zeinet jasyndaǵy adam nesie alatyn bolsa, ai saiynǵy zeinetaqysymen nesieni jabýǵa májbúr bolady.
Al stýdenttiń nesie alýy bólek áńgime. Sebebi, stýdent eńbekke qabiletti. Ol jumys istep, tabys tabýǵa qaýqarly eken. Daniiar Aqyshev Ulttyq bank halyqtyń barlyq tobynyń qarjylyq saýattylyǵyn arttyrýdyń jolyn qarastyryp jatqanynda aitypty.
https://dalanews.kz/29606
