Atalǵan sharaǵa elimizge tanymal aqyndar kelip, óz quttyqtaýlaryn bildirdi. Sanaly ǵumyryn óleńmen órnektep kele jatqan aıtýly aqyn búgingi kúni alpystyń asýyna kelip otyr.
Mamandyǵy qarapaıym ınjener bola tura qara óleńge ǵashyq aýyl balasynyń, poezıa álemi arqyly eldiń azamatyna aınalyp otyrǵandyǵy qarymdy qalamynyń arqasy. Týǵan elge, jerge degen súıispenshilik pen ystyq sezimge toly árbir óleńi jastarǵa qanat bitiredi.
Saltanatty shara barysynda mereıtoı ıesine Qoja Ahmet Iasaýı atyndaǵy Halyqaralyq qazaq-túrik ýnıversıtetiniń prezıdenti Bolatbek Abdrasılovtyń atynan arnaıy quttyqtaý hatty «Rýhanı jańǵyrý baǵdarlamasy» ortalyǵynyń basshysy Á.Ábýov tapsyrdy. Jáne de jıyn barysynda aqyn «Sherli Túrkistan» dep atalatyn tarıhı-dastanynan úzindi oqylyp, jınalǵan qaýymnyń úlken qoshemetine bólendi. Kesh qalalyq mádenıet úıiniń ónerpazdarynyń konserttik baǵdarlamasyna ulasty.
