Taıaýda «Jasyryn satyp alýshy» tásilimen QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha Departamentimen Jetisaı aýdandyq ortalyq, Asyq ata,  Atakent, Myrzakent, Maqtaral aýdandyq emhanalarynda sondaı-aq, Tólebı aýdandyq, Lengir qalalyq jáne Saıram aýdandyq ortalyq emhanalarynda qoǵamdyq baqylaý júrgizildi.

Nátıjesimen keıbir uıymdardyń kasasynda №086/e medısınalyq tekserýden ótý paraqshasy (blanka) ár túrli baǵamen satylyp jatqany anyqtaldy.

Atap kórsetsek, Tólebı aýdandyq emhanasynda anyqtama blankasy 1420 teńge, al Myrzakent emhanasynda 2400 teńge, sondaı-aq, Jetisaı jáne Saıram aýdandyq ortalyq emhanalarynda 3000 teńge kóleminde satylýda.

Osy baǵyttaǵy jumystarda oryn alǵan kemshilikterdi qalpyna  keltirý  úshin Túrkistan oblystyq densaýlyq saqtaý basqarmasyna №086e úlgisindegi qaǵaz túrindegi anyqtamalardy túpkilikti  joıyp,  bekitilgen standarttar talaptaryna sáıkes, elektrondy blankige kóshirý týraly arnaıy usynys hat joldandy.

Aıta keteıik, osy engizilgen usynymdardyń oryndalýy boıynsha post-baqylaý jumystary Departament tarapynan júıeli túrde júrgiziletin bolady.