Atyraý oblysynda tórt adamnyń ólimine qatysty rezonansty is boiynsha sot otyrysynda jańa beinejazbalar kórsetilgen, dep habarlaidy dalanews.kz.
Beinejazbalardyń birinde aiyptalýshy Sultan Sársemálievtiń jubaiy Aqbaian Muqanǵalievanyń tergeýshige jaýap berip otyrǵan sáti kórsetilgen.
Tergeý kezinde Aqbaian Muqanǵalieva óziniń týǵan jeri Qyzylqoǵa aýdanyndaǵy Jangeldin aýyly ekenin aitqan. Sondai-aq ata-anasynyń Atyraý oblysyndaǵy Jangeldin aýylynda turǵanyn, oqiǵaǵa deiin aǵasy Naýryzben sóileskenin jetkizgen. Budan bólek, sońǵy ýaqytta Munaishy yqshamaýdanynda turǵanyn aitqan.
Alaida ol keibir mańyzdy suraqtarǵa naqty jaýap bere almaǵan. Atap aitqanda, naqty mekenjaiyn, Qazaqstanǵa qai ýaqytta oralǵanyn jáne tergeý áreketteriniń qai kúni júrgizilgenin esine túsire almaǵan.
Beinejazbada tergeýshi Aqbaian Muqanǵalievanyń psihonevrologiialyq dispanserdiń aqparattyq júiesinde esepte turǵany anyqtalǵanyn málimdeidi. Osyǵan bailanysty tergeý áreketterin jalǵastyrý múmkin bolmaǵany aityldy.
