Aqbaian Muqanǵalievaǵa qatysty psihologiialyq-psihiatriialyq saraptamanyń alǵashqy nátijesi jariialandy, dep habarlaidy dalanews.kz.
10 sáýirde Aqbaian Muqanǵalieva Almatydaǵy Sot saraptama institýtyna jatqyzylǵan edi.
Mamandardyń aitýynsha, oǵan qosymsha diagnostika jasap, baqylaýdy jalǵastyrý qajet. Sondyqtan psihikalyq jaǵdaiyna bailanysty naqty qorytyndy ázirge shyqpaǵan.
Aita keteiik, Aqbaian Muqanǵalieva - basty kúdikti Sultan Sársemálievtiń burynǵy jubaiy ári marqum zeinetkerlerdiń qyzy.
Eske salaiyq, olar 10 naýryzda Indoneziiadan ekstraditsiialandy.
Aita keteiik, 2025 jyly jeltoqsanda politsiiaǵa Atyraý oblysy Jangeldin aýylynda 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýine de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel tergeý toby quryldy. Keiin tórteýi de óli tabyldy. Bul is boiynsha kúieý balalary kúdikti dep tanyldy.
