Jýrnalist Janat Moldashova Atyraýdaǵy qaiǵyly oqiǵadan keiin em qabyldap júrgen Aqbaian Muqanǵalievanyń qazirgi jaǵdaiyna qatysty jańa málimet aitty, dep habarlaidy dalanews.kz.
Ol bul týraly Instagram paraqshasynda jazdy.
Jýrnalistiń sózinshe, Aqbaiannyń úiine shyqqany týraly aqparatty ol buǵan deiin týystarynan estigen. Alaida jaqyndary bul málimetti ázirge jariialamaýdy suraǵan.
"Aqbaian úiine shyqqan ba? Ár jerge jazyp jatyr?" dep surap jatqandar kóp. Ony keshe týystarynan estigenmin. Arasynda jaqyndaryna habarlasyp, jaǵdaiyn surap turamyn. Olar úige shyqqanyn aitty. Ázirge jariialamaýdy suraǵan edi. Biraq búgin túrli saittar jazyp jatyr eken", – dep jazdy Janat Moldashova.
Onyń aitýynsha, Aqbaiandy baýyrlary balalaryna alyp barǵan. Sebebi ol balalaryn jii surap, saǵynǵanyn aitqan. Jýrnalist Aqbaiannyń balalaryn tanyǵanyn da jetkizdi. Degenmen onyń áli de em qabyldaýy qajet.
"Iá, Aqbaiandy baýyrlary balalaryna alyp barǵan. Óitkeni "Balalarym qaida? Saǵyndym" dep jii suraǵan. Bárin de tanyp tur deidi. Biraq áli em alýy kerek. Naqty diagnozy belgisiz", – dedi jýrnalist.
Janat Moldashovanyń sózinshe, Aqbaiannyń jaǵdaiy jaqsaryp, densaýlyǵy turaqtalsa, bolashaqta balalaryn óz qamqorlyǵyna berý máselesi qarastyrylýy múmkin. Alaida mundai sheshimdi bilim bólimi janynan qurylǵan arnaiy komissiia qabyldaidy. Sonymen qatar jýrnalist týystary Aqbaianǵa ata-anasy men baýyrlarynyń ómirden ótkenin áli aitpaǵanyn jetkizdi.
"Týystary Aqbaianǵa ata-anasy men baýyrlarynyń joqtyǵyn áli aitpaǵan. Eń aýyry osy. "Halyqtan qandai qoldaý kerek, aityńyzdar. Men elge jetkizeiin" dedim", – dep jazdy Janat Moldashova.
Aita keteiik, jýrnalist taratqan bul málimet Aqbaian Muqanǵalievanyń týystarynyń sózine negizdelgen.
