Qaraǵandy oblysynda taǵy da poıyz soǵysty, dep habarlaıdy Dalanews.kz.
Qaraǵandy - Suryptaý – Qulaıǵyr temirjol ýchaskesinde Audi kóligi júk poıyzymen soqtyǵysýyna baılanysty qylmystyq is qozǵaldy.
"Aldyn ala málimetterge sáıkes 35 jastaǵy júrgizýshi tyıym salatyn qyzyl sıgnalǵa qaramastan, temirjol ótkeline kirip ketken. Apat saldarynan júrgizýshi men kóliktegi tórt jolaýshy medısınalyq mekemelerge jetkizildi. Qazir polısıa tarapynan oqıǵanyń barlyq mán-jaıyn anyqtaýǵa baǵyttalǵan jan-jaqty tergeý júrgizilip jatyr", - dedi İİM ókili.
Tergeý barysynda ár qatysýshynyń áreketine qoldanystaǵy zańnamaǵa saı quqyqtyq baǵa beriledi.
Eske salaıyq, buǵan deıin Qaraǵandy oblysynda poıyz tórt jumysshyny basyp ketkeni habarlandy.
10 jeltoqsanda saǵat 17:15-te Moıynty-SHyǵanaq ýchaskesindegi Sheshenqara-Qarajanǵyl aralyǵynda júk poıyzy qozǵalyp kele jatqan kezde mashınıst shuǵyl tejegen. Osy kezde Saryshaǵan stansıasynyń jol brıgadasy relsti aýystyrý boıynsha josparly jumystardy oryndap jatqan.
Tórt jumysshy jaraqattan kóz jumdy.
