Sybaılas jemqorlyqqa qarsy agettigi sportty qarjylandyrý salasyndaǵy jemqorlyq táýekelderin joıý máseleleri boıynsha vedomstvoaralyq májilis ótkizdi, dep habarlaıdy Dalanews.kz.
Elimizde sportty damytýǵa bólinetin memlekettik qarajattyń utymsyz jáne tıimsiz jumsalýyna ákep soqtyratyn eleýli jemqorlyq táýekelderi men faktorlarynyń bolýyn kórsetken syrtqy taldaý nátıjeleri talqylanyp, sybaılas jemqorlyqqa qarsy agettigi osy jyldyń basynan beri sport salasynda 39 jemqorlyq qylmysyn tirkegen.
Ult densaýlyǵyn nyǵaıtý jáne buqaralyq, ásirese balalar sportyn damytý máselelerine memleket basshysy erekshe kóńil bólingendikten, tek sońǵy 6 jylda osy saladaǵy búdjet 2 esege ósip, 1,4 trıllıon teńgege jetken. Alaıda Qazaqstannyń álemdik sporttaǵy reıtıńi tómendeýde. Osy sala búdjetiniń 90%-y jumsalatyn "joǵary jetistikter" jáne "buqaralyq" sportty qarjylandyrý arasynda teńgerimsizdik baıqalady.
Májiliste Qazaqstandaǵy sportshylardy natýralızasıalaý, kásibı klýbtardyń búdjetterin qalyptastyrý jáne legıonerlerge tólemderdi qarjylandyrý máseleleri talqylandy. Prezıdenttiń búdjet pen jalaqy mólsherin shekteý jónindegi tapsyrmasyna qaramastan, elimizdiń fýtbol kásipodaq klýbtary sońǵy 3 jyl ishinde 30 mlrd teńgeden astam ústeme aqy tóledi. Sonymen qatar óziniń sporttyq ınfraqurylymyn damytýdyń ornyna búdjet qarajaty legıonerlerge tólem jasaýǵa jáne sport nysandaryn jalǵa alýǵa jumsaldy.
Taldaý qorytyndysy boıynsha agenttik salalyq mınıstrliktiń atyna jemqorlyq táýekelderin joıý boıynsha usynymdar engizdi.
Vedimistik baqylaýdy kúsheıtý jáne dıskresıalyq ókilettikterdi qysqartý, qarajatty bólý prosesterin naqty normatıvtik jáne quqyqtyq reglamentteýdi belgileý jáne buzýshylyqtar úshin jaýapkershilikti derbestendirý, sondaı-aq biryńǵaı sıfrlyq platforma qurý týraly suraqtar qoıyldy.
