Jasandy intellekt salasyndaǵy amerikalyq Anthropic kompaniiasy Nasdaq-taǵy IPO arqyly $100 mlrd-qa deiin qarjy tartyp, kompaniia qunyn shamamen $2 trln-ǵa jetkizýdi kózdep otyr, dep habarlaidy dalanews.kz.
Reuters málimetinshe, Anthropic IPO-ǵa Nvidia kompaniiasyn negizgi investorlardyń biri retinde tartý jóninde kelissóz júrgizip jatyr. Nvidia bul mámilege $10 mlrd-qa deiin investitsiia salý múmkindigin qarastyrýda. Alaida kelissózder áli aiaqtalǵan joq jáne onyń sharttary ózgerýi múmkin.
Anthropic IPO ótkizý alańy retinde Nasdaq-ty tańdaǵan. Eger jospar júzege assa, bul tarihtaǵy eń iri alǵashqy jariia ornalastyrýlardyń birine ainalýy múmkin. Kompaniia listingti AQSh-ta qarashada ótetin aralyq sailaýǵa deiin aiaqtaýdy josparlap otyr.
Financial Times málimetinshe, Anthropic IPO prospektisin investorlardyń shaǵyn tobyna aldyn ala kórsetip, olardyń suraqtaryna jaýap berýdi jón kórgen. Kompaniianyń jariia naryqqa shyǵý jospary ázirge túpkilikti bekitilgen joq.
Anthropic-tiń Nvidia-men bailanysy buǵan deiin de nyǵaiǵan. Reuters málimetinshe, 2025 jyldyń qarashasynda Nvidia kompaniiaǵa $10 mlrd-qa deiin investitsiia salýǵa nietti ekenin málimdegen. Al Anthropic Nvidia chipterimen jumys isteitin Microsoft Azure bulttyq esepteý qýatyna $30 mlrd jumsaýǵa mindetteme alǵan.
