Qazir ánshi-ártister, bıshi-kúıshilerge "qandaı kitap oqydyń?" dep suraı qalsań Álippeden keıin "Abaı jolyn" oqyǵanyn bilesiń. Budan soń uly shyǵarmany tereń tolǵanyspen túsingenin qysqasha aıtyp beredi.

Sál oılanady da sońǵy ýaqyttary Quran Kárimdi oqyp, ımanǵa bet burǵanyn aıtqanda qarqyldap kúlip jiberýge shaq qalasyń.

Óz basym "Abaı joly" men Quran Kárimniń olardyń úıinde bar ekenine shek keltirmeımin. Biraq Álippe men "Abaı jolynyń" arasynda júzdegen kitapty oqý qajet qoı. Sol sıaqty "Abaı jolymen" Quran Kárimniń arasyn taǵy júzdegen bar ekenin aıtsań, olardyń oısyz kózi baǵjań ete qalatyny anyq.

Álippeden keıin "Abaı joly" men Quran Kárimdi oqý – tipti aqylǵa sımaıtyn dúnıe. Qarpaıym adamǵa birden 150 keli bolatyn kir tasyn kótertkenmen birdeı. Odansha ánshilerimiz «kitap, gazet-jýrnal oqymaımyn» dese elge súıkimdi bolar ma edi.

 

Jarbol KENTULY