Ánshi Gúlnar Siqymbaeva ómirden ótti, dep habarlaidy Dalanews.kz.
Qaiǵyly habardy jýrnalist Oralhan Dáýit jariialady.
"Qairan, Gúlnár ápke... Bir aýylda týyp-óssek te júzbe-júz sóilesýdi Alla Taǵalam jazbaǵan eken. Telefon arqyly talai márte áńgimelesip, suhbat ta aldym. Óte ashyq jarqyn, keremet jan edińiz. Ómirden erte ótken anańyz týraly jii aityp, muńaiyp qalýshy edińiz. Endi mine, aiaq astynan anańyzdyń artynan attanyp kete barypsyz...
Alla Taǵalam o dúnieńizdi bersin.
Aǵaiyn, búgin belgili ánshi, Qazaqstan Respýblikasynyń eńbek sińirgen artisi Gúlnar Siqymbaeva qaitys boldy.
Janazasy erteń Túrkistan oblysy Tólebi aýdany Jambyl aýylynda ótedi", - dep jaz Oralhan Dáýit paraqshasynda.
Aita keteiik, keiingi jyldary sahnadan kórinbei ketken ánshi sońǵy on jyldan beri Qazaq Ulttyq qyzdar pedagogikalyq ýniversitetinde sabaq berip júrgen bolatyn.
Gúlnár Siqymbaeva otbasyndaǵy on bes balanyń úlkeni. Shymkent irgesindegi Lengir aýdanyndaǵy Maibulaq taýly aýylynda ósken. 1985 jyly Gúlnár Siqymbaeva "Gúlderge" qabyldanyp, tanymal ansamblde óner kórsetken. Ol qazaq, orys, túrik, tájik tilderinde án shyrqaǵan. Qyrǵyzsatan jáne Qazaqstan Respýblikasynyń eńbek sińirgen ártisi.
